XORNADA "ACTUALIZACIÓN NORMATIVA DE SEGURIDADE SOCIAL 2024"

O Colexio de Graduados Sociais de Lugo participou na xornada formativa sobre “Actualización normativa de Seguridade Social 2024” na Escola de Relacións Laborais de Lugo celebrada no día de onte. Unha sesión informativa organizada por MC Mutual en colaboración coa Escola Universitaria de Relacións Laborais e o Colexio de Graduados Sociais de Lugo para profundizar nos últimos cambios normativos da Seguridade Social co obxectivo de manter formados aos alumnos e colexiados.

As encargadas de recibir e dar a benvida aos asistentes foron Ana Victoria Santín, secretaria académica da Escola Universitaria de Relacións Laborais de Lugo e Verónica Lama, responsable de MC Mutual en Lugo. Pola súa banda, Antonio Benavides, graduado social, abogado e ex inspector de Traballo e Seguridade Social foi o encargado de realizar una minuciosa exposición na que analizou as últimas actualizacións sobre as novidades en prestacións e subsidios de desemprego tras o RD-LEI 2/2024, expecialmente sobre a modificación na compatibilidade da incapacidade permanente co traballo, os cambios legais previstos como causa de extinción do contrato de traballo e a aplicación da DT 34 da Lei Xeral de Seguridade Social en xubilacións anticipadas voluntarias e outros aspectos en materia de prestacións da Seguridade Social.

Despois dun turno de rogos e preguntas, clausuraron a xornada Luis Grien, director de MC Mutual de A Coruña e Lugo e o secretario do Colexio de Graduados Sociais de Lugo, Ángel Regueira, recordando a necesidade das xornadas formativas para que os graduados sociais teñan a máxima información posible para una atención de calidade nos seus negocios así como poñer en valor o traballo e o esforzo que realiza o colectivo ante a carga administrativa a que se están vendo expostos.